ఎదో ఒక తెలియని భావన అలల అంచున
అంచుల దగ్గరే ఆ అనుభూతి , ఆనందం...
అక్కడ కూర్చునంత సేపు silent గానే ఏదో సడి చేస్తుంటుంది మనసు
మెల్లగా మొదలవుతుంటాయి అలలు మనసులో
అలలు వాటి మాటలు కమ్యూనికేట్ చేయడానికి ప్రయత్నిస్తున్నట్టు గా
సముద్రం అంతా నిశ్శబ్దం
మనసులో అలల అలజడి
ఆ అలజడి అంచుల ముందు
మొకాళ్ళ మీద నేను నాతోపాటు నా నీడ
నీడ వెంటే కాలి జాడ
కాలి జాడల ఖాళీ జాడల్ని నింపే పనిలో ప డుతూ
సముద్రం తోడుగా వస్తుంది
ఆ తోడు మనిషి ఇవ్వలేడు
ఆ భాష మనిషకి రాదు
అలల భాషకి లిపి ఉండదు లిప్స్ కి మాటలు అందవు
మనసులో దాక్కుని ఉంటాయి భావాలన్నీ
కానీ తొంగి చూస్తూ ఉంటాయి కొంటెగా
భలేగా ఆడుకుంటాయిలే
భావాలు కూడా బహుసా అరుగు మీద ఆడపిల్లలు కాబోలు